کراچی کے سائٹ ایریا میٹروول کے شہید قبرستان سے خاتون کی لاش برآمد ہوئی ہے، جو لوہے کی پیٹی میں بند اور تشدد زدہ حالت میں تھی۔ خاتون کے ہاتھ پاؤں بندھے ہوئے تھے، اور بظاہر لگتا ہے کہ اسے کہیں اور قتل کرنے کے بعد لاش کو یہاں پھینکا گیا۔ پولیس کا کہنا ہے کہ مقتولہ کی فوری طور پر شناخت نہیں ہوسکی، اور نادرا کے بائیومیٹرک سسٹم کے ذریعے بھی کوئی ریکارڈ سامنے نہیں آیا۔ لاش کو تفتیش کے لیے عباسی شہید ہسپتال منتقل کر دیا گیا ہے
پولیس اس واقعے کی ہر زاویے سے تفتیش کر رہی ہے تاکہ قتل کی وجوہات اور مجرموں کا پتہ چلایا جا سکے
