احمدپورشرقیہ(نامہ نگار ) سرائیکی کلاس فرسٹ ائیر کے سبجیکٹ نصاب کی کتاب کی اشاعت کے حوالے سے پنجاب ٹیکسٹ کری کولم بک بورڈ لاہور نے الفیصل ناشران لاہور سے کتاب کی چھپائی کے لیے نوٹیفکیشن جاری کردیا۔اس موقع پر صدر شعبہ سرائیکی گورنمنٹ صادق عباس گرائجوئٹ کالج ڈیرہ نواب صاحب کینٹ احمد پور شرقیہ ضلع بہاولپور کے سرائیکی زبان و ادب کے پروفیسر ڈاکٹر محمد الطاف ڈاھر جلالی نے کہا کہ ہم حکومت پنجاب کے تعلیم دوست پہلو کو خراج تحسین پیش کرتے ہیں۔ان کا کہنا تھا کہ2011ء میں سرائیکی مضمون بی اے و انٹرمیڈیٹ کلاسز ،پرنسپل پروفیسر ڈاکٹر عبداللہ گورنمنٹ بوائز پوسٹ گریجویٹ کالج بہاولنگر کے عہد میں بطور CTI لیکچرر تھا،سرائیکی سبجیکٹ سلیبس کے لیے ابتدائی عملی کام کیا۔اس وقت مسلم لیگ ن کےصوبائی وزیر جیل خانہ جات پنجاب ملک محمد اقبال چنڑ کا سرائیکی مضمون کی 36 سیٹوں اور سرائیکی نصاب سازی کے حوالے سے تاریخی عملی کردار ہمیشہ یاد رکھا جائے گا۔سابق چیئرمین شعبہ سرائیکی و ڈین فکلٹی آف آرٹس اینڈ لینگؤیجز اسلامیہ یونیورسٹی بہاولپور پروفیسر ڈاکٹر جاوید حسان چانڈیو سرائیکی نصاب ایف اے کنوئینر مقرر ہوئے۔پہلی بار بہاولپور بورڈ میں سرائیکی لینگویج کا پرچہ سالانہ امتحانات 2012ء میں ہوا۔آج پھر بارہ سال بعد دوبارہ حکومت پنجاب ہائیر ایجوکیشن ڈیپارٹمنٹ و(PTCB) نے سرائیکی زبان و ادب کی آبیاری کے لیے پبلشنگ کا تاریخی کام کیا ہے۔سرائیکی وسیب کا دیرینہ مطالبہ بھی پورا ہوگیا ہے۔امید ہے حکومت پنجاب فوری سرائیکی سکولز ٹیچرز سیٹوں کا اعلان کرے گی۔زبانوں سے محبت دراصل انسانی عروج، لٹریچر، سوسائٹی، تاریخ، تہذیب وتمدن اور ثقافت سے محبت کا فلسفہ ہے۔مادری زبان میں اعلی تعلیم وتربیت سے قومیں عظیم سے عظیم تر ہوتیں ہیں۔ماں بولی تصوف و امن کی خوبصورت فکری و شعوری خوشبو ہوتی ہے۔
