محسن انسانیت تقریری مقابلہ کے حوالے سے ایک شاندار کالج ہذا میں فنکشن کا انعقاد

احمدپورشرقیہ(نامہ نگار)اللھم صل علی محمد وآل محمد صلی اللہ علیہ والہ والسلام حکومت پنجاب ہائیر ایجوکیشن ڈیپارٹمنٹ کی ہدایات پر گورنمنٹ صادق عباس گرائجوئٹ کالج ڈیرہ نواب صاحب کینٹ احمد پور شرقیہ میں 12 ربیع الاول جشن عیدالمیلاد النبی صلی اللہ علیہ والہ والسلام کی نسبت سے تین کیٹیگری مقابلےحسن تلاوت قرآن پاک ،نعت رسول مقبول خوانی،سیرت النبی کے موضوع حضرت محمدمصطفٰی صلی اللہ علیہ والہ والسلام بطور بہترین ایڈمنسٹریٹر، محسن انسانیت تقریری مقابلہ کے حوالے سے ایک شاندار کالج ہذا میں فنکشن کا انعقاد ہوا۔پروگرام کا باقاعدہ آغاز تلاوت قرآن کریم سے ہوا۔پرنسپل کالج ہذا پروفیسر محمد شاہد سراج کی طرف سے مہمان خصوصی و صدارت فنکشن سنئیر پروفیسر شاہد حسین مغل نے کی۔ نقابت و سٹیج سیکرٹری کے فرائض صدر شعبہ سرائیکی پروفیسر محمد الطاف ڈاھر نے ادا کیے ۔مہمانان اعزاز میں پروفیسر ظفر اقبال،پروفیسر محمد رضوان، پروفیسر شہزاد احمد خان، پروفیسر محمد الطاف ڈاھر، پروفیسر سجاد علی، پروفیسر عبدالرحمن عزمی ،پروفیسر محمد عمران صارم، پروفیسر ملک اعجاز الحق ، پروفیسر حسنین رمضان، پروفیسر عدنان رشید، اعزازی ٹیچر عبدالرحمن تھے،جہنوں نے مقابلوں میں ججز کے فرائض بھی سر انجام دئیے ۔کالج میں ہر طرف درود و سلام کا خوبصورت منظر تھا۔طلباء وطالبات نے جوش و خروش جذبہ نور نبوت صلی اللہ علیہ والہ والسلام سے سرشار ہو کر تمام مقابلوں میں حصہ لیا۔ پہلا مرحلہ حسن تلاوت قرآن کریم میں پہلی پوزیشن محمد عمر۔ بی ایس انگلش ففتھ سمسٹر، دوسری پوزیشن مدثر علی بی ایس انگلش تھرڈ سمسٹر ،تیسری پوزیشن محمد عمیربی ایس فزکس ففتھ سمسٹر ،دوسرا مرحلہ حسن نعت رسول مقبول میں پہلی پوزیشن محمد اسجد، محمد مزمل بی ایس کیمسٹری و فزکس،
دوسری پوزیشن میمونہ یونس ، مسکان ، مبشر عباس، تحریم فاطمہ۔ بی ایس انگلش،اردو،کیمسٹری،تیسری پوزیشن
محمد فیصل، اقصی ، فاطمہ شاہد، محمد الیاس ،بی ایس اردو، کیمسٹری، کمپیوٹر سائنسز، اردو،تیسرا مرحلہ تھرڈ راؤنڈ تقریری مقابلہ پہلی پوزیشن مقدس لطیف بی ایس کیمسٹری، دوسری پوزیشن نایاب زیبا، طیبہ کرن بی ایس کیمسٹری،اردو،تیسری پوزیشن آمنہ بی بی، طیبہ رشید۔ بی ایس کیمسٹری نے حاصل کی۔پروفیسر محمد الطاف ڈاھر نے سٹوڈنٹس سے گفتگو میں کہا کہ حضرت محمد مصطفٰی صل اللہ علیہ والہ والسلام دونوں جہانوں کے لیے رحمت و برکت ہیں۔آپ صلی اللہ علیہ والہ والسلام کی پوری پاک زندگی روشن عملی مثالی نمونہ ہے۔آپ خاتم الرسل صلی اللہ علیہ والہ والسلام کی تعلیمات تاقیامت انسانیت کے لیے بھلائی و امن کا پیغام ہیں۔ آپ صلی اللہ علیہ والہ والسلام کی سیرت طیبہ کا ہر پہلو علم و تربیت کا بہترین کردار ہے۔آخر میں مہمان خصوصی و صدر تقریب محفل پروفیسر شاہد حسین مغل اور دیگر معززین اساتذہ کرام نے جیتنے والے طلباء وطالبات میں انعامات تقسیم کیے۔پروفیسر محمد رضوان نے محفل میلاد النبی صلی اللہ علیہ والہ والسلام کے آخر میں ملک و قوم کی سلامتی و استحکام پاکستان کے لیے خصوصی دعائیں کرائیں۔تمام کالج سٹاف وسٹوڈنٹس میں مٹھائی بھی تقسیم کی گئی۔