احمدپورشرقیہ (نامہ نگار ) سرائیکی وسیب کی خوبصورت عالمی شہرت یافتہ عوامی ، روحانی، سماجی اور سیاسی شخصیت خاندان گیلانی سادات برصغیر پاک و ھند کے چشم وچراغ جناب شہید مخدوم سید علی حسن گیلانی رحمتہ اللہ علیہ کے بچھڑ جانے کا غم سرائیکی دھرتی کے شعراء کرام میں شدت سے محسوس کیا جارہا ہے۔سرائیکی وسوں سمیت پورے پاکستان کی روحانی مذہبی،علمی، ادبی،سماجی،ثقافتی اورسیاسی امن پسند تنظیمیں اپنے عوامی ہردلعزیز بردبار ہیرو کو سرخ سلام اور زبردست خراج تحسین پیش کر رہیں ہیں۔سرائیکی وسیب کا خوبصورت ادبی و ثقافتی مرکز دبستان احمدپورشرقیہ وستی محراب والہ لشاری کے مہان شاعر سیئں شاہد عالم شاھد نے بھی خوبصورت نظم میں اپنے قومی ہیرو کو تحفہ خراج تحسین ان کی عقیدت میں پیش کیا ہے۔اس موقع پر صدر شعبہ سرائیکی پروفیسر ڈاکٹر محمد الطاف ڈاھر جلالوی گورنمنٹ صادق عباس گرائجوئٹ کالج ڈیرہ نواب صاحب کینٹ احمد پور شرقیہ نے حکومت پاکستان سے مطالبہ کیا کہ ان کی ادبی،سماجی، ثقافتی اور سیاسی خدمات کے اعتراف میں ان کے نام سے ” شہید مخدوم سید علی حسن گیلانی ماڈل سکول اور سوشل ویلفیئر ہسپتال” کے قیام کا اعلان فوری اوچ شریف میں کیا جائے۔ایسی نایاب ہستی صدیوں بعد پیدا ہوتی ہے۔
