اسلام آباد(نیوز ڈیسک)آج بدھ کے روز ملک کے بیشتر علاقوں میں موسم سرد اورخشک جبکہ پہاڑی علاقوں میں صبح اوررات کے اوقات میں شدیدسرد رہنے کا امکان۔ بالائی سندھ اور پنجاب کے چند میدانی علا قوں میں صبح اور رات کے اوقات میں سموگ/دُھند چھائے رہنے کی توقع۔ اسلام آباد ، خطہ پو ٹھو ہار ، خیبر پختو نخوا میں چند مقامات پر صبح کے او قات میں کہرا پڑنے کی تو قع۔
مری میں برف باری کے بعد سردی میں اضافہ ہوگیا ہے جبکہ خیبر پختونخوا کے بالائی علاقوں میں وقفے وقفے سے برف باری کا سلسلہ جاری ہے۔محکمہ موسمیات نے رواں سیزن میں بارش اور برف باری کم ہونے کی پیشگوئی کی ہے جبکہ جنوری کے دوسرے ہفتے سے سردی بڑھنے کا عندیہ بھی دیا ہے۔
گذشتہ 24 گھنٹے کا موسم ملک کے بیشتر علاقوں میں موسم سرد اور خشک جبکہ پہاڑی علاقوں میں شدید سرد رہا۔تاہم مری، گلیات اور گردونواح میں چند مقامات بونداباندی/ ہلکی برفباری ہوئی۔ پنجاب، بالائی سندھ اور خیبر پختونخوا کے میدانی علاقوں میں چند مقامات پر سموگ/دُھند چھائی رہی۔
آج ریکارڈکئے گئے کم سےکم درجہ حرارت: لہہ اور سکردومنفی09، استور، گلگت، گوپس منفی07، کوئٹہ منفی06، ہنزہ، قلات منفی05، دیر، اورکلام میں منفی04 ڈگری سینٹی گریڈ ریکارڈ کیا گیا۔
