قلات: (نیوزڈیسک) بلوچستان کے مختلف علاقوں قلات اور گردونواح میں زلزلے کے جھٹکے محسوس کئے گئے۔ زلزلے کی شدت 3.6 ریکارڈ کی گئی ، اس سے قبل سوات اور دیر بالا میں بھی زلزلے کے جھٹکے محسوس کئے گئے،
تفصیلات کے مطابق زلزلہ پیما مرکز کے مطابق بلوچستان کے علاقے قلات اور گردونواح میں 3.6 شدت کے زلزلے کے جھٹکے محسوس کئے گئے، زلزلے کی گہرائی 33 کلو میٹر اور مرکز قلات سے 27 کلو میٹر جنوب میں تھا۔
زلزلے کے باعث شہری خوف کے باعث گھروں سے باہر نکل آئے اور کلمہ طیبہ کا ورد کرنے لگے۔ضلعی انتظامیہ کے مطابق زلزلے سے کسی جانی و مالی نقصان کی اطلاع نہیں ملی۔
