لاہور(نیوز ڈیسک)پاکستان کے سابق کپتان کو افغانستان کرکٹ ٹیم کا مینٹور مقرر کر دیا گیا۔
رپورٹ کے مطابق یونس خان اب افغانستان کے کرکٹرز کو بیٹنگ ٹپس فراہم کریں گے۔
رپورٹ میں بتایا گیا کہ یونس خان چیمپئنز ٹرافی میں افغان ٹیم کے ساتھ بطور مینٹور کام کریں گے۔
اس حوالے سے افغان کرکٹ بورڈ کا کہنا ہے کہ یونس خان کو چیمپئنز ٹرافی کے لیے مینٹور کی ذمہ داری سونپ دی گئی ہے، وہ چیمپئنز ٹرافی کے آغاز سے قبل افغانستان کی ٹیم کو جوائن کریں گے۔
واضح رہے کہ یونس خان اس سے پہلے 2022 میں افغانستان ٹیم کے بیٹنگ کوچ رہ چکے ہیں۔
