محرم الحرام کا مہینہ امن بھائی چارہ اور باہمی اتفاق و اتحاد کا درس دیتا ہے

احمدپورشرقیہ ( نمائندہ خصوصی ارشاداحمد خان ڈاھر سے ) گورنمنٹ صادق عباس گرائجوئٹ کالج ڈیرہ نواب صاحب کینٹ احمد پور شرقیہ کے صدر شعبہ سرائیکی و صدر پپلا ، میڈیا کوآرڈینٹر مرکز نوائے اساتذہ پروفیسر محمد الطاف ڈاھر نے اپنے بیان میں کہا کہ محرم الحرام کا مہینہ امن بھائی چارہ اور باہمی اتفاق و اتحاد کا درس دیتا ہے۔ اس مہینے کے پیش نظر ہمیں فرقہ واریت مذہبی و سیاسی منافرت کی بجائے آپس میں مذہبی ہم آہنگی سیاسی رواداری اور اخوت و محبت کو فروغ دینے کی ضرورت ہے ۔نواسہ رسول صلی اللہ علیہ والہ والسلام حضرت امام حسین علیہ السلام نے حق اور باطل کو واضح کرنے کےلیے اپنی اور اپنے خاندان کی قربانی دیکر رہتی دنیا تک مثال قائم کی ۔سجدہ نماز میں سر کٹا کر بھی دین اسلام کو سربلند رکھا۔ امت مسلمہ کو پیغام دیا کہ دین اسلام لازوال قربانیوں سے ملا ہے۔عاشقانان حضرت سیدنا امام حسین ابن علی حیدر کرار علیہ السلام محرم الحرام عبادت میں گزاریں۔ محرم الحرام کا مقدس مہینہ نہایت ہی احترام کا حامل ہے۔ احمدپورشرقیہ تحصیل امن و محبت کا گہوارہ ہے۔سرائیکی میٹھی زبان میں نوحہ اور مرثیہ اپنی مثال آپ ہے۔غلام سکندر غلام نے اہل بیت سے محبت و احترام میں بےپناہ کمال سرائیکی ڈوہڑہ،منقبت ،مرثیہ اور نوحہ کو باکمال عروج بخشا۔دن رات امن و امان قائم رکھنے والے پولیس سمیت تمام سکیورٹی فورسز خراج تحسین کے مستحق ہیں۔