2دوستوں کے اغواء کاڈراپ سین،ملزم میاں بیوی گرفتار،بہنوئی نے سالے اور اس کے دوست کو قتل کیا

لالہ موسیٰ(نامہ نگار)2دوستوں کے اغواء کاڈراپ سین،ملزم میاں بیوی گرفتار،بہنوئی نے سالے اور اس کے دوست کو قتل کیا،تفصیل کے مطابق رنگ پور تحصیل وضلع گجرات کے رہائشی شیرازسرورقوم بٹ کی ہمشیرہ کی شادی اس کے خالہ زاد عثمان بٹ سے ہوئی تھی،مبینہ طور پر عثمان بٹ نے دوسری شادی کرلی جس پر مقتول شیرازسرور نے ان کے گھر جاکر پوچھ گچھ کی جس پر دونوں کی توتکرار ہوئی تھی جس پر ملزم نے شیرازسرور کو قتل کرکے نعش صندوق میں بندکردی جبکہ شیرازسرورکے جگری یار دانش سرور سکنہ آزادکشمیر کو اس کی رہائش سے اٹھاکر قتل کیااور نعش وینس تھانہ رحمانیہ کے علاقہ میں پھینک دی،مقتول شیرازسرور کے ورثاء نے بھی تھانہ رحمانیہ کے علاقہ سے شیرازسرورکی گاڑی ملنے پر تھانہ رحمانیہ میں اغواء کامقدمہ درج کرایاتھا،پولیس نے جدیدخطوط پر تفتیش کرتے ہوئے ملزم عثمان کو حراست میں لے کر پوچھ گچھ کی تو گزشتہ روزملزم نے قتل کااعتراف کرتے ہوئے ملک پور کھاریاں سے صندوق میں بندنعش بھی برآمدکرادی،پولیس نے پوسٹمارٹم کے بعد نعش ورثاء کے حوالے کردی جبکہ ملزم کیخلاف درج اغواء کے مقدمہ میں قتل کی دفعہ بھی شامل کرلی ہے۔
۔۔۔
نصر اللہ مجید نامہ نگار ایکسپریس لالہ موسیٰ