تھانہ ککرالی کے علاقہ میں پولیس کا مسلح ڈاکوؤں کے ساتھ مقابلہ

گجرات نصراللہ مجید تھانہ ککرالی کے علاقہ میں پولیس کا مسلح ڈاکوؤں کے ساتھ مقابلہ ایک ڈاکو زخمی حالت میں گرفتار ڈی پی او گجرات ڈاکٹر مستنصر عطاء باجوہ کی زیر نگرانی ایس ایچ او تھانہ ککرالی مجاہد عباس نے پولیس پر فائرنگ کرنے والے ایک ڈکیت محمد ارشد ولد محمد اسلم سکنہ جونیجو کالونی ضلع بھکر کو زخمی حالت میں گرفتار کر لیا پولیس کے مطابق ملزم کے خلاف رابری کے 9مقدمات اور اقدام قتل و پولیس کے ساتھ مزاحمت کے 2مقدمات درج ہیں گزشتہ صبح تھانہ ککرالی کی ایک پولیس ٹیم بھنڈ گراں چوک پر موجود تھی کہ تین نامعلوم موٹر سائیکل سواروں کو رکنے کا اشارہ کی جنہوں نے رکنے کی بجائے اپنے اپنے پسٹل سے فائرنگ شروع کرد ی اور فائرنگ کرتے ہوئے بیلا مٹھانہ چک کی طرف سے فرار ہوگئے۔پولیس مسلح ملزمان کا تعاقب کرتے ہوئے بیلا مٹھانہ چک پہنچی۔ جہاں پر ایک مسلح ڈاکو محمد ارشدکو زخمی حالت میں گرفتار کرلیا جس سے ایک پسٹل 9ایم ایم برآمد ہوا جبکہ دیگر دو ملزمان موٹر سائیکل پر فرار ہوگئے