احمدپورشرقیہ( نامہ نگار) چیرمین شعبہ سرائیکی پروفیسر ڈاکٹر ممتاز خان بلوچ کی زیر صدارت شعبہ سرائیکی اسلامیہ یونیورسٹی بہاولپور میں بورڈ آف سٹڈیز میٹنگ کا انعقاد ہوا۔اجلاس ایجنڈا میں ایم فل ، پی ایچ ڈی اسکالرز مقالہ جات کے عنوانات ،طریقہ تحقیق و تعارفی خاکہ کے ساتھ دیگر بی ایس پروگرامز کے تدریسی و تربیتی امور زیر بحث لائے گئے۔آخر میں کمیٹی نےاسکالرز کے ٹاپک synopsis کی متفقہ منظوری دی۔اس موقع پر پروفیسر ڈاکٹر ممتاز خان کلیانی سابق چیئرمین شعبہ اردو و ڈائریکٹر سرائیکی ایریا سٹڈی سنٹر بہاوالدین زکریا یونیورسٹی ملتان، پروفیسر ڈاکٹر بدرمسعود خان، پروفیسر قدسیہ قاسم، پروفیسر ڈاکٹر عصمت اللہ شاہ، پروفیسر ڈاکٹر محمد الطاف ڈاھر جلالوی موجود تھے۔
