احمدپورشرقیہ،بہاولپور
(نامہ نگار ) سرائیکی وسیب کی عالمی شہرت یافتہ سابق سرائیکی ریاست بہاولپور کے آخری فرمانروا نواب سر صادق محمد خان عباسی پنجم رح کی علمی دوستی کا ثبوت عظیم الشان مصر قاہرہ الازہر یونیورسٹی کی طرز کی سرائیکی خطے کی انٹر نیشنل تعلیم وتربیت کی حامل درسگاہ مادر علمی اسلامیہ یونیورسٹی بہاولپور (پاکستان) کی تنظیم ایمپلائیز ویلفیئر ایسوسی ایشن (اتحاد ویلفیئر گروپ)کے صدر سید کاشف حسین کاظمی نے اپنے بیان میں کہا کہ ہم یونیورسٹی کی ترقی و تعمیر نو اور ملازمین کے معاشی حقوق کے تحفظ کے لئے ایمانداری سے عملی طور پر سرگرم ہیں۔کسی بھی تعلیمی ادارے کی تحقیق و تنقید اور بہترین کارکردگی میں ملازمین کی دن رات کی مخفی سخت محنت کا نتیجہ شامل ہوتاہے ۔اساتذہ کرام اگر یونیورسٹی کی روح ہیں تو نان ٹیچنگ ملازمین یونیورسٹی کاجسم ہیں۔جسم کی اگر ریڑھ کی ہڈی مضبوط ہوگی تو تعلیمی ماحول خوشگوار مضبوط ترین انذاز سے معاشرتی اقدار کے ساتھ معاشی خوشحالی کی طرف سفر کرے گا۔ ہمیں امید ہے کہ یونیورسٹی ملازمین ہمیں بھاری اکثریت سے کامیاب کرائیں گے۔ہماری پوری ٹیم انشاءاللہ کامیابی کے بعد تمام سٹاف کےحقوق کی حقیقی ترجمانی کرتے ہوئے ان کے تمام مسائل کو ہنگامی بنیادوں پر حل کرائیں گی۔
