اسلام آباد(نیوز ڈیسک)پاکستانی مشہور خاتون اینکر ریحام خان نے مرزا بلال کیساتھ شادی کی دوسری سالگرہ پر برائیڈل شوٹ سے صارفین کے دل جیت لیے۔ریحام خان کا شمار پاکستان کی نامور شخصیات میں کیا جاتا ہے، وہ نہ صرف ایک سماجی کارکن ہیں بلکہ مصنفہ، اور فلم پروڈیوسر بھی ہیں۔ انہوں نے اپنے پیشہ ورانہ کیریئر کا آغاز بین الاقوامی چینلز کے لیے نیوز رپورٹنگ سے کیا جبکہ پاکستان میں بھی متعدد شوز کی میزبانی کی۔ریحام خان ان دنوں مرزا بلال کیساتھ اپنی شادی کی دوسری سالگرہ کا جشن مناتی نظر آرہی ہیں
سوشل میڈیا پر وائرل برائیڈل شوٹ میں ریحام خان دلہن کے روپ میں غضب ڈھا رہی ہیں جبکہ انکے ساتھ مرزا بلال بھی اہلیہ سے میچنگ لباس میں شوٹ کو چار چاند لگا رہے ہیں۔ماریہ سہیل کلاتھنگ برانڈ کے دلکش جوڑے سے لے کر امائرا کے نازک زیورات، بالوں کا اسٹائل اور یہاں تک کہ میک اپ غرض کہ سر تا پاؤں ریحام خان کا لُک قابل دید تھا جبکہ انکے شوہر بھی ’EDGE REPUBLIC’ کلاتھنگ برانڈ کے گروم آؤٹ فٹ میں غضب ڈھاتے نظر آئے۔ ریحام خان نے اپنے شوہر مرزا بلال کے ساتھ ایک دلکش فوٹو شوٹ شیئر کرتے ہوئے پوسٹ کے کیپشن میں لکھا کہ،’ہماری مشترکہ زندگی کا جشن وقت کے سفر کے ساتھ منا رہے ہیں’۔دوسری جانب ریحام خان کے مداح ان کے فوٹو شوٹ کی تعریف کر رہے ہیں۔ بہت سے لوگ سابق ٹی وی میزبان کو نیک خواہشات پیش کر رہے ہیں۔
ریحام خان کی ازدواجی زندگی پر ایک نظر :
یاد رہے کہ فلم پروڈیوسر و سماجی کارکن ریحام خان 1993میں اعجاز رحمان کیساتھ رشتہ ازدواج میں منسلک ہوئیں لیکن بدقسمتی سے سال 2005 میں دونوں نے اپنی راہیں جدا کرنے کا فیصلہ کیا۔بعد ازاں ریحام خان نے دوسری شادی کیلئے پاکستان کے سابق وزیرِ اعظم عمران خان کو اپنا ہمسفر چنا اور سال 2014 میں نکاح کرکے نئی زندگی کی شروعات کی لیکن انہیں یہ شادی بھی راس نہ آئی اور نہایت ہی مختصر عرصے کے بعد 2015 میں طلاق پر ختم ہوگئی۔اس کے بعد ریحام خان نے تیسری شادی امریکی خوبرو ماڈل اور اداکار مرزا بلال سے کی ہے جن کے ساتھ خوشی سے زندگی بسر کر رہی ہیں۔مرزا بلال اور ریحام کی خوشگوار ازدواجی زندگی کا اندازہ انکی سوشل میڈیا پوسٹ سےلگایا جاسکتا ہے، جن میں اکثر اوقات ریحام خان اپنے شوہر کی تعریف کرتی نظر آتی ہیں۔
