کراچی (ڈیلی پاکستان آن لائن)کیماڑی کے علاقے جیکسن میں کچرا کنڈی سے آنسو گیس کے شیل ملنے کی تحقیقات جاری ہیں۔
پولیس حکام کے مطابق آنسو گیس کے شیل 30 برس پرانے ہیں اور ناکارہ ہوچکے ہیں۔ شیل پر ایکسپائری تاریخ 1994 واضح طور پر درج ہے۔کچرا کنڈی میں آگ لگنے کے باعث شیل بھی جل گئے تھے۔
پولیس حکام کے مطابق اگر شیل سے گیس لیکیج بھی ہوئی تو وہ خطرناک نہیں تھی۔ علاقہ مکینوں نے سانس لینے میں دشواری کی کوئی شکایت نہیں کی۔ معاملے کی انکوائری کی جارہی ہے، اداروں کو بھی آن بورڈ لیا گیا ہے۔
چند روز قبل کیماڑی میں کچرا کنڈی سے بڑی تعداد میں آنسو گیس کے شیل ملے تھے۔Play Video
